Saltar ao contido

Agenda Urbana 2030 Santiago de Compostela

Aprobado en Pleno de 12 de setembro de 2022 o documento de Plan de Acción da Axenda Urbana 2030 de Santiago de Compostela

pleno santiago

Na sesión desta mañá, a Corporación municipal deu luz verde ao Plan de Acción Local da Axenda Urbana Española do Ministerio de Transportes, Mobilidade e Axenda Urbana para a Axenda Urbana 2030 de Santiago de Compostela. Este documento é o resultado dun proceso participativo liderado polos profesores universitarios María Cadaval e Santiago Lago, na que cidadáns, axentes sociais e culturais e grupos políticos puideron achegar as súas contribucións a través de diferentes canais. O Plan aprobado está estruturado en 6 áreas temáticas estratéxicas, que definen 25 obxectivos específicos e 39 liñas de actuación e poderá enriquecerse no futuro, xa que non se trata dun documento pechado

A Axenda Urbana 2030 é un documento no que se establece o marco de referencia estratéxica de Santiago de Compostela para a vindeira década, a elaborar por e para a cidadanía. Esta iniciativa inclúese dentro do proxecto da Axenda Urbana Española. Este documento baséase, á súa vez, na Axenda Urbana das Nacións Unidas e quere converterse nunha panca para acelerar a implementación dos Obxectivos de Desenvolvemento Sostible en todos os fitos que teñen compoñente territorial e urbano, particularmente no ODS 11, cidades sostibles, inclusivas, seguras e resilientes. Este proxecto é posible grazas ao financiamento da Unión Europea a través dos Fondos Next Generation EU e do Plan de Recuperación, Transformación e Resiliencia do Goberno estatal e da súa Axenda Urbana de España.

O documento que se aproba da conta dos traballos efectuados ata o 1 de setembro de 2022 no marco deste proxecto, empregando a metodoloxía da Axenda Urbana Española e dando cumplimento ao esixido na  “Orde TMA/957/2021, do 7 de setembro, pola que se aproban as bases reguladoras da concesión de axudas para a elaboración de proxectos piloto de plans de acción local da Axenda Urbana Española e a convocatoria para a presentación de solicitudes para a obtención das subvencións polo procedemento de concorrencia competitiva”

O proceso da Axenda Urbana 2030 de Santiago de Compostela é un proceso de participación continua e o documento aprobado en pleno, aínda que é un fito importantísimo no mesmo, non da por finalizado o proceso, senon que  abre paso a un proceso de participación aínda maior que o xa realizado no que baixo a dirección dirección executiva de María Cadaval Sampedro e Santiago Lago Peñas.:

  • Continuarán os traballos no marco do Consello Económico e Social da cidade, e os Grupos de Impulso e Seguimento, agora coa finalidade de revisar, actualizar o documento, priorizar as iniciativas que no se propoñen e traballar na súa posta en marcha a través do impulso das mesmas.
  • Ao pleno daráselle conta periodicamente dos avances no traballo dos GIS no marco do Consello Económico e Social. Será o pleno o que aprobe as actualizacións dos documentos da Axenda e/ou se poderá expor a elevación como propostas ao Pleno de determinadas iniciativas para a súa transformación en iniciativas municipais ou para que o Concello impúlseas diante doutras administracións e organismos, a pedimento do Consello Económico e Social da cidade.
  • Continuaranse realizando cuestionarios de participación cidadá directa nun proceso similar ao xa realizado, que poden axudar na priorización de iniciativas complementando o traballo do Consello Económico e Social, acompañados de talleres/actividades divulgativas/actividades formativas que fomenten a participación.”

Deixa unha resposta

O teu enderezo electrónico non se publicará