Fase propositiva
Unha vez que feita a diagnose e co obxectivo de identificar e deseñar as liñas estratéxicas de actuación, é o momento de socializar o informe con tódolos actores, co obxectivo de compartilo pero, sobre todo, implicalos no proceso de deseño das liñas e accións concretas de actuación para a consecución dos obxectivos que se marquen para a Compostela do 2030.
Os procesos de planificación que implican de xeito activo a tódolos actores en cada unha das súas fases teñen garantida a lexitimación e corresponsabilidade no desenvolvemento sostible e inclusivo do territorio. Porén, a partires do segundo trimestre do 2022 ábrese o debate á cidadanía coa intención de captar a súa visión sobre os aspectos fundamentais que debe incluír a Axenda Urbana 2030 de Santiago de Compostela e crear un marco de debate que consiga os obxectivos que marca a Axenda Urbana das Nacións Unidas.
Obxectivos do proceso participativo
Detectar
as principais oportunidades e retos que ten ante si Santiago de Compostela
Recoller
as propostas que se produzan, polas distintas canles que se habilitan
En forma de participación
Para avanzar na materialización da Axenda Urbana 2030 de Santiago de Compostela, os co-directores executivos, María Cadaval e Santiago Lago, mantiveron durante o mes de marzo reunións cos diversos grupos de interese chamados a ter un papel principal na discusión, visibilización e difusión do proxecto e acadar o consenso e compromiso de tódalas partes.
Para iso foron creados 6 Grupos de Impulso e Seguimento (GIS), todos eles tendo a igualdade de xénero e a transformación dixital como temas transversais, que están centrados en:
Nos devanditos encontros participaron máis de medio cento de representantes dos distintos sectores chave para o futuro da cidade. As súas achegas serviron como base para a creación do formulario de participación cidadá co que se pretende que todas as persoas interesadas en acadar o Santiago do futuro que queren poidan manifestar a súa opinión sobre as distintas temáticas de interese.
Coa imprescindible participación de toda a cidadanía será posible que o proceso de planificación da Axenda Urbana 2030 de Santiago de Compostela teña a lexitimación, apropiación e corresponsabilidade no desenvolvemento sostible e inclusivo do territorio. Para poder participar neste proceso, invitámosche a cubrir este formulario.